'Etorkizuna' gaiari buruzko eztabaidak

• Oraina komunikazio web guneak dira.
  Etorkizuna web aplikazioak dira.
• Orainan edukiak dira web gune baten funtsa.
  Etorkizunean funtzionaltasuna.
• Orainan irudi bisualari ematen zaio pisu gehien.
  Etorkizunean erabilerraztasunari.
• Orainan baten burua da web guneko elementuen neurri.
  Etorkizunean Internet erabiltzailea.
• Orainan bezeroa utzi behar da pozik.
  Etorkizunean Internet erabiltzailea pozik utzi dugulako utziko dugu pozik bezeroa.

Badakit gauzak ez direla txuri ala beltz. Baina extremoetara joan nahi izan dut diodana argiago ikus dedin.

Web garapenean gabiltzan guztioi, etorkizuna web aplikazioetan dagoela esango nieke. Internet ez da marka baten onurak komunikatzeko erabiliko soilik. Internet egunero egiten ditugun gauza askoren baliabide izango da. Funtzionala.

Bizi dugun globalizazio era honetan, argi dago lokalismoak geroz eta urriagoak izango direla. Hizkuntza, legeak, ekonomia, e.a. geroz eta unibertsalagoak dira, munduaren gehiengoarentzat bakarrak izatera iritsiz.
Europan adibidez, europar guztientzat legeak eta ekonomia berdinak dira askotan. Hau izango da etorkizuneko tendentzia mundu osoan, goiz ala berandu.

Interneten kasuan, ze rol jokatuko dute euskara bezelako hizkuntza txikiek? Interneten unibertsala den ingelesak jango al ditu?

Nere ustez Internet etsai ikusi beharren, bere abantailak aprobetxatu behar ditugu. Adibidez, euskal edukiak mundu guztira zabaldu ditzakegu. Edo euskaran interesa duen atzerritar batek errex aski lortu dezake euskarari buruzko informazio, eta baita euskara bera ikasi ere.

Fundamentos Web 2006an Dave Shea izan genuen CSS proiektuei buruz hitzegiten, eta egunaren bukaeran izandako kolokioan orain aipatuko dudana galdetzeko gogoa izan nuen, baina koldarra naiz.

Denbora asko daramat CSS-ak eskuz garatzearen beharretan pentsatzen:
Benetan beharrezkoa da web gune bat maketatzerakoan, CSS-a kodigo mailan garatu behar izatea? Ez al da posible WYSIWYG erraminta baten bidez, bisualki, hau ondo egitea?

Nere ustez hala beharko luke. Tamalez, existi diren erramintek kodigo oso zatarra sortzen dute.
Baina web garapenaren etorkizuna, irisgarri, erabilerrez eta informazio arkitektura zuzena duten web gune eta aplikazioak sortzean dago. Ez dut uste hainbeste denbora galdu beharko genukeenik teknologia arloetan.

Fundamentos web delakoan egon berria naiz. Bertan, web eta Internet munduari buruz orokorrean, eta web garaperani buruz konkretuki hitzegin da.

Beti bezela alderdi onak eta ez hain onak izan ditugu bertan.

Alderdi onak:

• Organizazio.
• Hizlarien jakinduria.
• Hizlarien azalpen gaitasuna.
• Gai barietatea.
• Espicha (Asturias-eko jaki ezaguna).

Alderdi ez hain onak:

• Hizlariei galderak egiteko denbora murritza.
• Hizlari eta entzuleen arteko halako distantzia.
• Hizlari guztiak anglosajoiak izatea. Herri barietatea bota nuen faltan. Ingelesak edo EE.BB.-ak ez dira munduan bakarrak.
• Gai batzuk gutxi sakondu izana, azalean geratuz.

Hala ere orokorrean ekitaldia nahiko ona izan da.

Aipatzekoa da Interneteko publizitatea jasaten ari den eboluzioa.

Hasiera batean iragarki arruntak ziren nagusi: banner eta halakoak.
Ondoren Google iritsi eta publiziate kontextuala ezarri zuen, Internet erabiltzaileak aurrean duen edukiaren arabera pertsonalizatzen den publizitatea. Korreoa bera irakurri eta beronen arabera pertsonalitzera iritsi delarik gauza.

Orain Google maps-en kasuan bezala, lokalizazio geografiko birtualaren araberako publizitatea dugu, Google-en mapa sisteman begiratzen ari zaren lekuaren arabera pertsonalizatzen dena. Eta etorkizunean datorkiguna argi dago: benetako lokalizazio fisikoaren araberako publizitatea. Zera da, ni Paris-eko Tour Eiffel-ean baldin banago, inguruko denda, jatetxe e.a.-en iragarkiak jasotzeko aukera wifi, wimax edo dena delakoaren bitartez.

Noraino iritsiko da eboluzioa?