'Internet' gaiari buruzko eztabaidak

• Oraina komunikazio web guneak dira.
  Etorkizuna web aplikazioak dira.
• Orainan edukiak dira web gune baten funtsa.
  Etorkizunean funtzionaltasuna.
• Orainan irudi bisualari ematen zaio pisu gehien.
  Etorkizunean erabilerraztasunari.
• Orainan baten burua da web guneko elementuen neurri.
  Etorkizunean Internet erabiltzailea.
• Orainan bezeroa utzi behar da pozik.
  Etorkizunean Internet erabiltzailea pozik utzi dugulako utziko dugu pozik bezeroa.

Badakit gauzak ez direla txuri ala beltz. Baina extremoetara joan nahi izan dut diodana argiago ikus dedin.

Web garapenean gabiltzan guztioi, etorkizuna web aplikazioetan dagoela esango nieke. Internet ez da marka baten onurak komunikatzeko erabiliko soilik. Internet egunero egiten ditugun gauza askoren baliabide izango da. Funtzionala.

Microsoften azken proiektua ezagutu berri dut: Photosynth. Oraindik berau garatzen ari diren arren, badaude demostrazio bideoak.
Ikus daitekeenez, leku konkretu bateko argazki asko elkartuz, leku hori hiru dimentsiotan ikus daiteke. Benetan proeiktu interesgarria.

Proiektu honek, dagoeneko sortua dagoen informazioaren berrerabilpenaren balorea jartzen du isladan. Informazio berria sortu beharrean, dagoen informazioarekin gauza asko egin daitezke. Dagoen informazioarekin beste informazio batzuk sortu edo lortu. Google trends ere beste adibide bat dugu.

Hurrunago joanez, informazio ezberdinak konbinatu ditzakegu. Adibidez google finances. Hemen, enpresa baten kotizazioan ematen diren gora beherez gainera, enpresa horri buruz egon diren berriak aipatzen dira, enpresaren kotizazioaren gora beherak ulertzeko.

Bizi dugun globalizazio era honetan, argi dago lokalismoak geroz eta urriagoak izango direla. Hizkuntza, legeak, ekonomia, e.a. geroz eta unibertsalagoak dira, munduaren gehiengoarentzat bakarrak izatera iritsiz.
Europan adibidez, europar guztientzat legeak eta ekonomia berdinak dira askotan. Hau izango da etorkizuneko tendentzia mundu osoan, goiz ala berandu.

Interneten kasuan, ze rol jokatuko dute euskara bezelako hizkuntza txikiek? Interneten unibertsala den ingelesak jango al ditu?

Nere ustez Internet etsai ikusi beharren, bere abantailak aprobetxatu behar ditugu. Adibidez, euskal edukiak mundu guztira zabaldu ditzakegu. Edo euskaran interesa duen atzerritar batek errex aski lortu dezake euskarari buruzko informazio, eta baita euskara bera ikasi ere.

Richard Ishida izan zen hizlarietan lehena. Internazionalizazioak web garapenean duen eraginaz hitzegin zuen.

Honen alorrean, web gune bat beste hizkuntza bat baino gehiagotan edo beste herrialde baterako egin behar denean, kontuan izan behar diren aspektuak aipatu zituen, hala nola beste gauza askoren artean:

• Esaldi bat hizkuntza batetik bestera itzultzerakoan kontutan izan behar diren aspektuak.
• Esaldien sintaxiak dakartzan arazoak. Adibidez: “Un perro” -> “Txakur bat”.
• Hitz edo esaldi batek hizkuntza bat edo bestean izan dezakeen luzeera ezberdinaz, ondorioz diseinuan berau kontutan izanik.
• Kultura ezberdintasunak ekarri ditzakeen komeriak. Adibidez koloreek kultura batetik bestera izan ditzaketen konotazioak.

Benetan interesgarria.